Valpoi Road :

वाळपई, केरी, पर्येमार्गे बेळगावला जाण्यासाठी चोर्ला घाटातून जावे लागते. चोर्लाघाट ओलांडला की कर्नाटकची हद्द सुरू झाल्यानंतर चोर्ला ते कणकुंबी हा रस्ता खड्यांनी बनलेला आहे.

त्यामुळे सध्याच्या खड्डेमय रस्त्यांवरून वाहने हाकणे कठीण झाले आहे.

निवडणूक आचारसंहिता लागण्यापूर्वी कणकुंबी येथे रस्त्याच्या कामाची सुरुवात करण्यात आली होती. पण जून महिना जवळ आला, तरीही रस्त्यांचे काम सुरू झाले नाही. कणकुंबी भागात जोरदार अवकाळी पाऊस पडलेला आहे. त्यामुळे अशा रस्त्यावरील खड्यांमध्ये पावसाचे पाणी साचल्याने वाहन चालकांना वाहने चालविणे त्रासदायक ठरत आहे.

खड्यात पाणी जमल्याने रस्त्याला तळ्याला स्वरुप प्राप्त झाले आहे. केवळ काही ठिकाणी पडलेले खड्डे जेसीबी यंत्राने खणून सपाटीकरण केले आहे, परंतु या रस्त्यावरूनही वाहने हाकणे त्रासदायक ठरत आहे. अवकाळी पावसामुळे पाणी साचून तळ्यांचे स्वरुप झाले आहे.