Ponda Police Detain Three Minors For Theft: मडकई व खांडेपार येथे दोन दुचाकी चोरी प्रकरणी स्थानिक युवकांच्या मदतीने फोंडा पोलिसांनी 3 अल्पवयीन विद्यार्थ्यांना शनिवारी रात्री ताब्यात घेतले. या प्रकरणातील अन्य दोघांच्या शोधात पोलिस आहेत.

फोंडा पोलिसांनी दिलेल्या माहितीनुसार, ओपा खांडेपार येथे ओपन पार्किंगमधून एक दुचाकी चोरी झाली होती. अशाच प्रकारे मडकई येथेही दुचाकीची चोरी करण्यात आली होती. याबाबतची तक्रार फोंडा पोलिसांत दाखल करण्यात आली होती.

तक्रारीच्या आधारे पोलिसांनी तपास सुरु केला. यावेळी गुप्त माहिती व स्थानिक युवकांच्या मदतीने पोलिसांनी तिघा अल्पवयीन मुलांना दुचाकी चोरी प्रकरणी ताब्यात घेतले. तसेच या प्रकरणात अन्य दोघेजण असल्याचा संशय पोलिसांना आहे. पोलिस त्या दोघांच्या शोधात आहेत.

तिघेही अल्पवयीन असल्याने त्यांची रवानगी अपना घर मध्ये करण्यात आली असून फोंडा पोलिस पुढील तपास करीत आहेत.