बोणबाग-बेतोडा येथे 43 किलो वजनाच्या तांब्याच्या साहित्याची चोरी करणाऱ्या तीन संशयितांना गजाआड करण्यात फोंडा पोलिसांना यश आले. तसेच गुन्ह्यात वापरलेली कारही पोलिसांनी जप्त केली आहे.

दरम्यान, संशयितांना फोंड्याच्या प्रथमश्रेणी न्यायदंडाधिकाऱ्यांसमोर उभे केले असता पाच दिवसांची कोठडी सुनावण्यात आली आहे.

याबाबत अधिक माहिती अशी की, बोणबाग-बेतोडा येथे 43 किलो वजनाच्या तांब्याच्या साहित्याची चोरी केलेल्या तीन संशयितांना पाच दिवसांचा रिमांड देण्यात आला. शुक्रवारी 21 जुलैला ही चोरी करण्यात आली होती.

फोंडा पोलिसांनी या प्रकरणी फैजल सिकंदर शेख (रुमडामळ-दवर्ली), अनिल विश्वकर्मा (बोर्डा-मडगाव) व इस्माईल शेख (दवर्ली-मडगाव) या तिघांना अटक केली आहे. या चोरीसाठी वापरलेली जीए 01 आर 9070 या क्रमांकाची कारही पोलिसांनी जप्त केली आहे.

संशयितांना फोंड्याच्या प्रथमश्रेणी न्यायदंडाधिकाऱ्यांसमोर उभे केले असता पाच दिवसांची कोठडी सुनावण्यात आली आहे.

पोलिस उपनिरीक्षक आदित्य वेळीप, हेडकॉन्स्टेबल केदारनाथ जल्मी, कॉन्स्टेबल अमय गोसावी, आदित्य नाईक तसेच दत्ता नार्वेकर यांनी पोलिस निरिक्षक तुषार लोटलीकर यांच्या मार्गदर्शनाखाली या चोरीचा तपास केला.