Ponda Latest News: मोबाईलचे व्यसन आपल्याला किती हानिकारक ठरू शकते हे दाखवणारी घटना फोंड्यात घडली आहे. 22 वर्षांचा युवक गोविंद कश्यप हा फोंड्यात एका भाड्याच्या खोलीत राहतो. मोबईलच्या नादात त्याच्या जीवाला धोका निर्माण करणारा एक प्रकार घडला आहे.

उपलब्ध माहितीनुसार, त्याच्या खोलीजवळील एका विहिरीजवळ तो फोनवर बोलत बसला होता. बोलता बोलता अचानक त्याच्या हातून फोन निसटला. फोन विहिरीत पडणार इतक्यात त्याने तो तत्परतेने पकडण्याचा प्रयत्न केला.

या प्रयत्नांमध्ये त्याचा पाय घसरला आणि तो विहिरीमध्ये पडला. यानंतर लगेचच फोंडा अग्निशमन दलाच्या जवानांना बोलावण्यात आले. त्यांनी त्याला विहीरीतून बाहेर काढले. विहीर जास्त खोल नसल्याने त्याच्या जीवाला धोका निर्माण झाला नाही.