फोंडा : वरचा बाजार-फोंडा येथे रविवारी रात्री लागलेल्या आगीत दोन गाडे जळून खाक झाले तर तिसऱ्या गाड्यातील एका कपाटाला आगीची झळ बसली.

देवीदास नाईक व विश्रांती देवळी या दोघांच्या गाड्यांना आग लागली तर सचिन आर्सेकरयाच्या गाड्यातील कपाटाला आग लागली. थंडपेय तसेच किरकोळ सामान विक्रीचे हे गाडे होते. आगीची ही घटना लक्षात आल्यानंतर लगेच फोंडा अग्निशामक दलाला कळविण्यात आले.

त्यांनी घटनास्थळी धाव घेऊन ही आग आटोक्यात आणली. दरम्यान, फोंड्यातील भाजपचे उमेदवार रितेश नाईक, नगराध्यक्ष विरेंद्र ढवळीकर व काँग्रेसचे उमेदवार केतन भाटीकर यांनी आगीत जळालेल्या गाड्यांची पाहणी केली.

मडकईत मारहाणप्रकरणी आठजणांविरुद्ध गुन्हा

पारंपई-मडकई येथे कुंडई येथील दर्शन नाईक याला मारहाण केल्याप्रकरणी म्हार्दोळ पोलिसांनी फोंड्यातील संकेत नाईक व साईदत्त नाईक या दोघांसह अन्य सहाजणांविरुद्ध गुन्हा नोंदवला आहे. मारहाणीचा हा प्रकार रविवारी (ता. २९) रात्री साडेआठच्या सुमारास घडला होता. म्हार्दोळ पोलिस याप्रकरणी अधिक तपास करीत आहेत.