PFI Raid in Fatorda Madgaon : सध्या तपास यंत्रणांच्या रडारवर असलेल्या पीएफआय संघटनेच्या चंद्रवाडा फातोर्डा येथील कार्यालयावर आज बुधवारी क्राईम ब्रांच विभागाने छापा टाकून तपास सुरू केला आहे. क्राईम ब्रांचचे उपअधीक्षक शिवराम वायंगणकर यांच्या नेतृत्वाखाली ही कारवाई सध्या सुरु आहे. सर्व दारे बंद करून ही झाडाझडती घेणे सुरु आहे.

प्रसार माध्यमांनी या संदर्भात विचारले असता हा आमच्या नियमित कामाचा एक भाग आहे, अशी जुजबी माहिती देण्यात आली. यापूर्वी देशात पीएफआयवर बंदी घालण्यात आली होती त्यावेळी या संघटनेच्या मडगाव आणि फातोर्डा भागातील मोठ्या प्रमाणात कार्यकर्त्यांना ताब्यात घेण्यात आले होते. यातील काही कार्यकर्त्यांना तडीपार का केले जाऊ नये या आशयाच्या नोटिसाही दक्षिण गोवा जिल्हाधिकारी कार्यालयाने जारी केल्या होत्या.