Calangute Crime: कळंगुट पोलिसांनी शनिवारी राबवलेल्या मोहिमेत एकूण 34 दलालांना ताब्यात घेतले आहे. हे दलाल पर्यटकांना हेरून त्यांना विविध आमिषे दाखवून पर्यटकांची लूट करत असल्याचे समोर आले आहे.

त्यामुळे अशा कृत्यांना पायबंद बसावा यासाठी पोलिसांकडून वरचेवर अशा मोहिमा राबवल्या जात असतात. त्याच क्रमात शनिवारी देखील पोलिसांनी कळंगुट-बागा परिसरात मोहिम राबवली. यावेळी एकूण 34 दलालांना ताब्यात घेण्यात आले आहे.

गोव्यात होत असलेल्या विविध राष्ट्रीय, आंतरष्ट्रीय बैठका कार्यक्रमांच्या पार्श्वभुमीवर गोवा पोलिसांकडून सतर्कता बाळगली जात आहे. त्याचाच एक भाग म्हणून या बैठकांच्या काळात कोणतेही गैरकृत्य, गुन्हा घडू नये यासाठी पोलिस शोधमोहिम राबवत आहेत.

आताही 31 मे पासून पोलिसांनी कळंगुट-बागा परिसरात दलालांविरोधात मोहिम राबवली होती. दरम्यान, 3 जून रोजी पोलिसांनी कळंगुटे येथे अचानक मोहिम राबवून एकाच दिवसात 34 दलालांना ताब्यात घेतले आहे.

पर्वरीची एसडीपीओ यांच्या निगराणीखाली ही मोहिम राबविण्यात आली. या दलालांकडून प्रवाशांना लुटण्याच्या घडतात. त्या पार्श्वभुमीवर पोलिसांकडून अशी कारवाई केली जाते.