frontispiece church in sancoale : फ्रंटीस पीस ऑफ सांकवाळ वारसा स्थळाच्या 100 मीटर अंतरात अनधिकृतपणे करण्यात आलेल्या बांधकामाविरोधात गोमंतक मंदिर महासंघाच्या वतीने वेर्णा पोलिसात ठाण्यात तक्रार नोंद करण्यात आलीय.

अनधिकृतपणे बांधकामाविरोधात कारवाई करण्याची मागणी करणारे निवेदन यावेळी देण्यात आले.

चर्च संस्थेच्या वतीने 3 ते 3 वर्षांपासून नियम धाब्यावर बसवून अचानकपणे फेस्ताचे आयोजन करण्यास सुरू केले आहे. याप्रकरणी खात्याकडून कारवाई केल्याचे दिसून येत नाही. हा भेद भाव का? असा सवाल महासंघातर्फे उपस्थित करण्यात आला आहे.

यंदाही याठिकाणी मंडप उभारणीचे काम चालू केले आहे. नियमबाह्य रीतीने फेस्त आयोजन करणाऱ्यावर कायदेशीर कारवाई करावी अशी मागणी गोमंतक मंदिर महासंघातर्फे करण्यात आली आहे

पोर्तुगीज कालीन उध्वस्त झालेल्या मंदिरांचे पुरातत्त्व खात्याखाली अभ्यास करणे आणि त्या स्थानांचे संरक्षण संवर्धन करणे असे एकूणच धोरण गोवा सरकारने जाहीर केले आहे. धोरणाला धरून पुरातत्त्व खात्याने या ठिकाणी कायदेशीर कारवाई करणे अपेक्षित आहे अशीही मागणी गोमंतक मंदिर महासंघातर्फे करण्यात आलीय.