फोंडा, कुर्टी येथील दादा वैद्य हायस्कुलात प्लास्टिक मुक्तता दिन मोठ्या उत्साहात साजरा करण्यात आला. शाळेच्या विज्ञान विभागाच्या प्रमुख बेबी नाईक यांनी प्लास्टिक मुक्तता दिन कार्यक्रम शाळेच्या आवारात घडवून आणला.

यावेळी गौरी गावडे, सकिना केरकर, साईशा तारी यांचे मार्गदर्शन लाभले. या कार्यक्रमात नववीच्या विद्यार्थ्यांना अमेय उच्च माध्यमिक शाळेच्या फॅशन डिझायनर लॅबमध्ये नेऊन प्रात्यक्षिकासह शिक्षिका सकिना केरकर यांच्यातर्फे मार्गदर्शन घडवून आणले.

तसेच विद्यार्थ्यांनी प्लास्टिक पिशवीचा वापर न करता कापडी पिशवीच्या वापरावर भर द्यावा, असा संदेश यावेळी देण्यात आला. सकिना केरकर यांच्या मार्गदर्शनाखाली इयत्ता नववीच्या विद्यार्थ्यांनी कपड्याचे बटवा तयार करून शाळेच्या नोटीस बोर्डवर प्रदर्शित केले.