गोवा पोलिसांनी आम आदमी पक्षाचे संयोजक आणि दिल्लीचे मुख्यमंत्री अरविंद केजरीवाल यांना समन्स बजावले आहे. राज्यातील मालमत्तेचे विद्रूपीकरण केल्याप्रकरणी केजरीवाल यांना 27 एप्रिल रोजी हजर राहण्यासाठी सांगितले आहे.

उत्तर गोव्यातील पेडणे पोलिसांनी हे समन्स बजावले आहे. PTI या वृत्तसंस्थेने याबाबत वृत्त दिले आहे.

(Pernem Police issues summons to AAP National Convener Arvind Kejriwal)

पेडणे पोलीसांनी केजरीवाल यांना सीआरपीसी कलम 41 (ए) अंतर्गत नोटीस बजावली आहे.

राज्यातील मालमत्तेचे विद्रूपीकरण केल्याचे पोलिसांच्या तपासादरम्यान, दिसून आले आहे. याप्रकरणाची चौकशी करण्यासाठी केजरीवाल यांना समन्स बजावले असल्याचे नोटीसमध्ये म्हटले आहे.

पोलिसांनी केजरीवाल यांना 27 एप्रिल रोजी सकाळी 11 वाजता पेडणे पोलिस ठाण्यात हजर राहण्यास सांगितले आहे.

दरम्यान, मालमत्ता विद्रुपीकरण कायद्यांतर्गत गोवा आम आदमी पार्टीचे गोवा प्रमुख अमित पालेकर यांना नोटीस बजावल्यानंतर, केजरीवाल यांना देखील पेडणे पोलिसांनी नोटीस बजावली आहे.