अंमली पदार्थ बाळगल्याप्रकरणी ब्रिटिश नागरिकाला अटक करण्यात आली आहे. पेडणे पोलिसांनी मधलावाडा हरमल येथे छापा टाकून त्याला अटक केली आहे. या ब्रिटिश नागरिकाकडून वेगवेगळ्या प्रकारचे अंमली पदार्थ जप्त केले आहेत, पोलिसांनी तब्बल 15.48 लाखांचा अंमली पदार्थ जप्त केला आहे. (Pernem Police arrest British person for allegedly possession of drug worth 15.48 lakh)

स्टेफन स्लोटविनर (वय 76) असे अटक केलेल्या ब्रिटिश नागरिकाचे नाव आहे.

अटक आरोपीकडे 12.2 ग्रॅम गांजा, दीड लाख रूपयांच्या चाळीस अंमली गोळ्या, 26 एलएसडी अंमली पदार्थ तसेच, एमडीएमए आणि एलएसडी कॅप्सूल अशा एकूण 15 लाख 48 हजार रूपयांचे अंमली पदार्थ जप्त करण्यात आले आहेत. ब्रिटिश इसम भाड्याच्या घरात राहत होता. पोलिस अधिक तपास करत आहेत.