पेडणे, श्री भगवती हायस्कूल पेडणे येथे कारगिल विजय दिवस साजरा करण्यात आला. प्रमुख पाहुणे म्हणून भारतीय लष्कराचे निवृत्त हवालदार हेमंत मांद्रेकर उपस्थित होते.
तसेच मुख्याध्यापक राघोबा कांबळी, ज्येष्ठ शिक्षिका ललिता नाईक, सुनीलदत्त गवस, कार्यक्रम प्रमुख मनोजा सावंत, प्राथमिक विभागाच्या लीना वाझ आदी मान्यवरांची उपस्थिती होती.
पाहुण्यांच्या हस्ते समई प्रज्वलित करण्यात आली. मांद्रेकर यांनी कारगिल युद्धाच्या आठवणींना उजाळा दिला. वीर जवानांची समर्पित भावना व देशासाठी त्यांनी केलेला त्याग याचे सदैव स्मरण ठेवा, असे आवाहन त्यांनी केले.
मुख्याध्यापक राघोबा कांबळी यांनी प्रास्ताविक केले. ललिता नाईक यांनी पाहुण्यांची ओळख करून दिली. सूत्रसंचालन नवल नारोजी यांनी केले. आभार प्रदर्शन सुनीलदत्त गवस यांनी मानले.
मांद्रेकर यांचा सत्कार
भारतीय सैन्यात दिलेल्या योगदानाबाबत यावेळी निवृत्त हवालदार हेमंत मांद्रेकर यांचा शाळेतर्फे शाल, श्रीफळ व भेटवस्तू देऊन सत्कार करण्यात आला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.