https://www.dainikgomantak.com/goaPernem Farmer : पेडणे, कृषी धोरणावर चर्चा तसेच सूचना करण्यासाठी पेडणे येथील विभागीय कृषी कार्यालयात तालुक्यातील शेतकरी , शेतकरी संस्था,लोकप्रतिनिधी आणि सर्वसामान्य नागरिक यांच्या संयुक्त बैठकीत आज शेतकऱ्यांनी महत्त्वपूर्ण अशा सूचना केल्या.

बहुतांश विकास प्रकल्पांमुळे झाडे, डोंगर नष्ट झाल्याने पशू-पक्ष्यांचा नैसर्गिक अधिवासही नष्ट झाल्याने ते शेती-बागायती नष्ट करत आहेत. यावर सरकारने तोडगा काढावा,अशी सूचना करण्यात आली.

या बैठकीला अपेक्षेपेक्षा मोठ्या प्रमाणात शेतकरी आल्याने या सभागृहात आलेले शेतकरी सामावू न शकल्याने काही वेळ गोंधळ उडाला व ही बैठक पेडणे शेतकरी सभागृहात घेण्यात आली.

व्यासपीठावर पेडणे कृषी अधिकारी प्रकाश राऊत ,उपकृषीअधिकारी धीरज परब,मांद्रेचे सरपंच ॲड. अमित सावंत ,किरण शिरोडकर व पेड्णे शेतकरी सोसायटीचे संचालक शांबा सावंत आदी मान्यवर उपस्थित होते.

या कार्यक्रमाला पेडणे व मांद्रेचे दोन्ही आमदार उपस्थित राहिले नाहीत. या कार्यक्रमाचे पेडणे व मांद्रे अशा दोन ठिकाणी आयोजन करून दोन्ही आमदारांच्या उपस्थितीत कार्यक्रमाचे आयोजन व्हावे.त्यासाठी दोन्ही मतदारसंघात सभागृहही मोफत उपलब्ध करून देऊ.

-ॲड.अमित सावंत, सरपंच मांद्रे