मोरजी : मांद्रे पंचायत क्षेत्रातील आजोबा मंदिर परिसरात मागच्या तीन वर्षांपूर्वी एकूण ५९२५ चौ. मी. जमीन अनिल शर्मा, हिमाचल प्रदेश ,अरुण भल्ला उत्तर प्रदेश आणि रोहित खेर, उत्तराखंड यांनी आजोबा मंदिरासहित मूळ मालकांकडून ही जमीन विकत घेतली होती. त्यानंतर या व्यावसायिकांनी तिथे आलिशान कॉटेज रेस्टॉरंट उभारले होते.

मांद्रे सरपंच अमित सावंत,पंच सदस्य किरण सावंत यांच्यासह देवस्थान समितीने प्रयत्न केल्यामुळे अखेर देवस्थानाला हक्काची जागा मिळाली. ही जमीन दानपत्राद्वारे देण्याची प्रक्रिया आश्वे येथील श्री आजोबा मंदिर परिसरात झाली.

सविस्तर माहिती अशी, मंदिरासह ही जमीन विकली गेल्यामुळे देवस्थान समितीला भाविकांना भक्तगणांना उत्सव साजरा करताना अडचणी येत होत्या. त्या संदर्भात अनेकदा सरकारला निवेदने दिली. पंचायत, स्थानिक आमदार जीत आरोलकर यांच्याकडेही देवस्थान समितीने कैफीयत मांडली. देवस्थान समितीच्या संबंधित खरेदीदारांसोबत वेळोवेळी बैठका झाल्या.मात्र,तोडगा निघत नव्हता.

अखेर देवस्थानच्या प्रयत्नांना यश आले. देवस्थान समितीचे सर्व पदाधिकारी ग्रामस्थ एकजूट राहिल्यामुळे अखेर संबंधितांना देवस्थानची जमीन देवस्थानाला सोडावी लागली. आणि हा जो एक निर्णय झालेला आहे .तो ऐतिहासिक निर्णय असून अखेर न्याय मिळाला.

-किरण सावंत, स्थानिक पंच देवस्थान ही जमीन असताना मूळ मालकांकडून दिल्लीतील एका उद्योजकाने स्थानिक आणि देवस्थान समितीला विश्वासात न घेता ही जमीन परस्पर विकत घेतली. त्यानंतर वाद सुरू झाला होता. परंतु ग्रामस्थ ग्रामस्थ देवस्थान समिती आणि पंचायत मंडळ समितीच्या मागे खंबीर असल्यामुळे शेवटी संबंधितांना ही जमीन देवस्थानाला सोडावी लागली.

-अमित सावंत, सरपंच