Shiroda Constituency: कोडार भागातील भाजप कार्यकर्त्यांचा उत्साह पाहता भाजपच्या पारड्यात सर्व मते पडून आमदार सुभाष शिरोडकर दहाव्यांदा विजयी होणार आहेत. हा उत्साह असाच कायम ठेवून भाजपचे कमळ शिरोड्यात (Shiroda Constituency) पुन्हा फुलण्यासाठी कार्यरत राहावे.

कोडारचे लोक प्रामाणिक व स्वाभिमानी असल्याने येथील जनता भाजपच्या बाजूने आहे, असा विश्वास मुख्यमंत्री डॉ. प्रमोद सावंत (Pramod Sawant) यांनी व्यक्त केला. (People of Shiroda on the side of BJP Chief Minister said)

कोडार - बेतोडा भागात मुख्यमंत्री डॉ. प्रमोद सावंत यांच्या उपस्थितीत शिरोडा मतदारसंघातील भाजपचे उमेदवार आमदार सुभाष शिरोडकर यांचा प्रचार करण्यात आला. यावेळी बेतोडाचे सरपंच विशांत गावकर, माजी सरपंच व विद्यमान पंच सदस्य सुशांत गावकर, प्रसाद प्रभुगावकर, शिरोडा भाजप मंडळ अध्यक्ष सूरज नाईक, सरचिटणीस अवधूत नाईक यांच्याबरोबर कोडार भागातील बरेच कार्यकर्ते उपस्थित होते.

आमदार शिरोडकर म्हणाले, कोडार हा भाग नेहमीच मला पाठिंबा देत आला आहे. यापुढे ही सर्व नागरिक मला साथ करून विजयी करतील. शिरोड्यातील जनतेचा आशीर्वाद मिळाल्यानेच आपण सेवा करू शकलो, असेही शिरोडकर म्हणाले.