म्हापसा: बार्देश तालुक्यातील लोकांना मागील काही दिवसांपासून वीज समस्येला सामोरे जावे लागत आहे. येथील लोकांना भर उन्हाळ्यात लोकांना लोड शेडिंगचा सामना करावा लागत आहे. (People in Bardesh taluka are suffering due to load shedding in goa)

उन्हाळ्यात (Summer) लोड शेडिंग होत असल्याने लोक तक्रार करत आहेत. म्हापसा, हळदोण, साळगाव मतदारसंघासह तालुक्यातील इतर भागांत वारंवार वीज गुल होण्याचा प्रकार घडत आहे. ही वीज कपात थांबवावी अशी लोकांची मागणी आहे.

गोव्यातील अनेक पथदीवे बंद स्थितीत आहेत. याचबरोबर राज्यातील अनेक भागांतील विजेच्या केबल्स खराब झाल्या आहेत. या समस्यांचे निवारण व्हावे अशी नागरिकांची मागणी आहे. परिणामी वीज खात्याच्या वरिष्ठ अधिकाऱ्यांची बैठक घेण्याचा निर्णय वीजमंत्री सुदिन ढवळीकर यांनी घेतला आहे.

सरकारने (Government) काही वर्षांपूर्वी बसवेलेले पथदीवे बंद पडले आहेत. परिणामी अनेक ठिकाणी रात्रीच्या वेळी काळोख पसरलेला असतो. यामुळे अपघात होण्याची शक्यता आहे. या विषयावर बोलताना ढवळीकर म्हणाले, जीर्ण झालेली केबल बदलण्याचे आदेश खात्याला देण्यात येणार आहेत. मी आताच या खात्याचा कारभार हाती घेतला आहे. अधिकाऱ्यांची बैठक घेऊन खंडित विजेच्या समस्येवर तोडगा काढला जाईल.