विमानाच्या टॉयलेटमध्ये सिगारेट ओढणाऱ्या आंध्र प्रदेशच्या प्रवाशाविरोधात गुन्हा नोंद करण्यात आला आहे. दक्षिण गोव्यातील दाबोळी विमानतळावर बुधवारी (२४ जुलै) हा प्रकार उघडकीस आला.

दाबोळी पोलिसांनी गड्डम श्रीनिवास (रा. बिकानूर, आंध्रप्रदेश) या प्रवाशाविरोधात गुन्हा नोंद करण्यात आला आहे.

मिळालेल्या माहितीनुसार, प्रवासी गड्डम श्रीनिवास दाबोळी विमानतळावरील इंडिगो फ्लाईटच्या टॉयलेटमध्ये सिगारेट ओढत असल्याचे आढळून आले. विमानातील अलार्म वाजल्याने प्रवाशाने सिगारेट फ्लश केले.

अलार्म वाजल्याने विमानातील प्रवाशांमध्ये घबराट निर्माण झाली. अखेर दाबोळी पोलिसांनी या प्रवाशाविरोधात गुन्हा नोंद केला असून, अधिक तपास सुरु आहे.