पिसुर्ले: पर्ये मतदारसंघात येणाऱ्या पिसुर्ले पंचायत क्षेत्रातील विविध वाड्यावर गेल्या दोन तीन दिवसांपासून पडत असलेल्या पाऊस व वाऱ्याच्या तडाख्याने बऱ्याच ठिकाणी झाडांची पडझड झाली असल्याने वीज खात्याचे मोठ्या प्रमाणात नुकसान झाले आहे, काही ठिकाणी माड वीजपुरवठा वाहिन्यांवर पडल्याने वीजखांब जमीनदोस्त झाले. त्यामुळे काही काळ वीजपुरवठा खंडित होण्याचे प्रकार वाढले आहेत.

पिसुर्ले पंचायतीचे सरपंच देवानंद परब यांनी दिलेल्या माहितीनुसार या भागात गेल्या दोन तीन दिवसांपासून मोठ्या प्रमाणात पाऊस पडत असून पडझड मोठ्या प्रमाणात झाली. बऱ्याच ठिकाणी वीज खांब मोडले.

वाळपई अग्निशमन दलाच्या जवानांनी चांगली कामगिरी करून बऱ्याच ठिकाणी पडलेल्या झाडे हटवली.