Swachh Survekshan 2023 Award: पणजी आणि साखळीने अनुक्रमे राष्ट्रीय आणि राज्य स्तरावर ‘स्वच्छ सर्वेक्षण 2023’ पुरस्कार पटकावले आहेत. गृहनिर्माण आणि शहरी व्यवहार मंत्रालयाने (MoHUA) अद्याप रँकिंग जाहीर केलेली नाही.

स्वच्छ सर्वेक्षण हे भारतातील शहरांमध्ये केंद्राद्वारे आयोजित केले जाणारे स्वच्छतेचे वार्षिक सर्वेक्षण आहे.

मुख्यमंत्री प्रमोद सावंत यांनी पणजी महानगरपालिका आणि साखळी नगरपालिका अभिनंदन केले.

“मी नगरसेवक आणि कचरा व्यवस्थापन कामगारांचे अभिनंदन करतो. त्यांच्या मेहनतीचे फळ मिळाले आहे,” अशा शब्दात मुख्यमंत्री सावंत यांनी शुभेच्छा दिल्या.

स्वच्छ सर्वेक्षण हे जगातील सर्वात मोठे शहर स्वच्छता सर्वेक्षण आहे. शहर स्वच्छता आणि पालिकेकडून नागरिकांना दिल्या जाणाऱ्या सुविधांमध्ये सुधारणा व्हावी या दृष्टीकोनातून ही स्पर्धा घेतली जाते.

मंडपम कन्व्हेन्शन सेंटर, नवी दिल्ली येथे 11 जानेवारी रोजी होणाऱ्या कार्यक्रमात पालिकांना हे पुरस्कार प्रदान केले जातील.