Panjim : उच्च न्यायालय (High Court) वकील संघटनेच्या आज झालेल्या अत्यंत अटीतटीच्या निवडणुकीत गिलमन एल्मानो कुएलो परेरा यांनी ॲड. सुरेंद्र देसाई (Surendra Desai) यांचा 27 मतांनी पराभव केला. अध्यक्षपदासाठी (presidency) कुएलो परेरा यांना 101 मते मिळाली.

उपाध्यक्षपदी शैलेंद्र भोबे, खजिनदारपदी नायझेल कॉस्ता फ्रीयश, तर सरचिटणीसपदी गौरीश अग्नी यांची बिनविरोध निवड झाली. रायन मिनेझीस व रामा रिवणकर हे सदस्य म्हणून निवडले गेले. गेले काही दिवस या निवडणुकीची चर्चा वकील वर्गात जोरात सुरू होती. तसेच त्यांच्या विविध गटांमध्ये मोर्चेबांधणीही झाली. एवढ्या अटीतटीने लढलेली ही पहिलीच निवडणूक असावी.