Panaji News :

पणजी, गोमंतक साहित्य सेवक मंडळाच्या निवडणूकीत रमेश वंसकर यांची अध्यक्ष म्हणून तिसऱ्यांदा निवड झाली.त्यांना १०१ मते प्राप्त झाली तर विरुद्ध असलेल्या अनुजा जोशी यांना केवळ २९ मते मिळाली.

उपाध्यक्ष म्हणून श्री विठ्ठल गावस आणि कोषाध्यक्ष म्हणून राजमोहन शेटये हे संस्थेवर बिनविरोध निवडून आले आहेत. २ कार्यवाहसाठी एकूण तीन अर्ज आले होते त्यात सुहास बेळेकर यांना ९९ मते, महादजी प्रभुदेसाई यांना ७९ मते तर चित्रा क्षीरसागर हिला ४१ मते प्राप्त झाली. ही कार्यकारिणी पुढील तीन वर्षासाठी असेल.

पुर्ण पॅनल रमेश वंसकरांच्या नेतृत्वाखाली विजयी झाले. अनुजा जोशी, नितीन कोरगावकर व प्रमोद कारापुरकर हे विरुद्ध उभे होते.

निवडणूक बेकायदेशीरच होती. त्याचे तीव्र पडसाद आमसभेत उमटलेच. निरूत्तर आणि उघडी पडलेली कार्यकारिणी हे या कबुलीचेच चित्र होते.

गैरव्यवहार मी माझ्या भूमिकेतच मांडले होते. त्यामुळे सग्यासोय-यांनी भरलेल्या मतदार यादीमुळे आमचा पराभव होणे हे अटळच होते. गैरव्यवहारांची भांडाफोड झाली तेव्हाच आमचा विजय झाला होता. त्यामुळे हा पराभव हा आमचा थोर नैतिक विजय आहे.

- डाॅ. अनुजा जोशी