स्त्यांचीही अवस्था बकाल झाल्याने पणजी (Panaji) सुंदर नव्हे, खराब रस्त्यांचे (Bad Road) शहर बनल्याच्या प्रतिक्रिया नागरिकांतून उमटत आहेत. मुख्यमंत्री सावंत (Pramod Sawant) यांनी नोव्हेंबरपर्यंत राज्यातील रस्ते खड्डेमुक्त करण्याची घोषणा केली होती. परंतु आता डिसेंबर उजाडायला अवघा एक दिवस बाकी असतानाही खराब रस्त्यांची समस्या कायम आहे. मुख्यमंत्र्यांची केलेली घोषणा म्हणजे ‘बोलाचा भात नी बोलाची कढी’ ठरत आहे.अशी टीका मग्रीयुक करताना दिसत आहेत. (Panaji as well as goa trouble in road problem, Pramod Sawant announcement fail)

मुख्य बसस्थानक, शहरातील अंतर्गत भाग, सांतीनेज परिसर, तांबडीमाती परिसर, धेंपो हाऊस परिसर, काकुलो मॉल आदी ठिकाणचे रस्ते पूर्णतः उखडले आहेत. भूमिगत केबल घालणे व इतर कामासाठी ठिकठिकाणी खोदकाम झाल्यानंतर रस्त्यावर डांबरही न घातल्याने रस्त्याच्या बाजूला चर तशीच उघड्यावर आहे.

धेंपो हाऊसजवळील रस्त्याच्या बाजूच्या कडा पूर्णपणे उखडलेल्या आहेत. रस्ता पूर्णपणे खराब झाल्याने खडीही दिसत आहे. या ठिकाणी लहान-मोठे अपघात घडत असल्याचे वाहनचालकांनी सांगितले. या ठिकाणच्या रस्त्यावरच वेळीच डांबर चढणे गरजेचे आहे.