पणजी अतिरिक्त सत्र न्यायालयाने 2019 सालच्या एका प्रकरणात इस्रायलच्या नागरिकाची निर्दोष मुक्तता केली आहे. हत्येचा प्रयत्न केल्याचा इस्रायलीन डेव्हिड द्रिहम (डुडू) याच्यावर आरोप करण्यात आला होता. दरम्यान, आज त्याची या प्रकरणातून निर्दोष मुक्तता झाली आहे.

हणजुणा पोलिसांनी डुडू याच्यावर पीडित समीर खान आणि आरिफ बेनी खान यांच्या हत्येचा प्रयत्न केल्याबद्दल आरोपपत्र केले होते. या घटनेत डुडू देखील जखमी झाला होता आणि त्याने क्रॉस कंप्लेंट दाखल केली होती.

डुडू हे नाव गोव्यासाठी नवीन नाही. 2009 मध्ये गोव्यात ड्रग डीलर नेक्सस उघडकीस आला होता. 2010 मध्ये अंमली पदार्थ विरोधी पथकाने त्याच्याविरुद्ध दाखल केलेल्या खटल्याचा दुडू हा भाग होता. ड्रग्सच्या नेक्ससचे प्रकरण मीडियात आल्यानंतर तो बहुधा बराच काळ गोव्यात आला नव्हता, पण अचानक हणजुणा येथील स्थानिकांसोबत मारहाण करताना आढळला होता. हणजुण येथे जेट स्कीच्या विषयावरुन डुडू आणि स्थानिकांमध्ये मारहाणीचा प्रकार घडला होता. दोन्ही बाजूंनी एकमेकांविरुध्द पोलिसांत तक्रारी नोंदवण्यात आल्या होत्या.