पणजी: गोव्यातील 18 वर्षांवरील 11.66 लाख लोकांचे 100% लसीकरण पूर्ण झाले आहे. या सर्व लोकांनी करोनाप्रतिबंधक लसीचे दोन्ही डोस घेतले आहेत. 18 वर्षांवरील लोकांचे 100% लसीकरण पूर्ण करणारे गोवा देशातील पहिले राज्य बनले आहे. परिणामी राज्यातील लसीकरण मोहीम व लसीकरण (Vaccination) केंद्रे बंद करण्यात येणार आहेत. मात्र, आरोग्य केंद्रांमध्ये लस उपलब्ध असणार आहे. (Goa COVID-19 Update)

कोरोनाच्या (Coronavirus) तिसऱ्या लाटेत संक्रमण दर वाढला होता. मात्र, दवाखाण्यात भरती होण्याचा दर कमी होता. कोरोंनाची लागण झालेल्या बहुतेक लोकांना सौम्य लक्षण असल्यामुळे त्यांना दवाखान्यात (Hospital) भरती व्हावे लागले नाही, असे लसीकरण मोहीमेचे प्रमुख डॉ. राजेंद्र बोरकर म्हणाले. बोरकर बुधवारी आरोग्य संचालनालयाने आयोजित केलेल्या पत्रकार परिषदेत बोलत होते.

राज्यात 26 जानेवारी 2021 ते मार्च 2022 या काळात 18 वर्षांवरील लोकांसाठी लसीकरण मोहीम सुरू होती. दरम्यान, 15 ते 18 वर्षे वयोगटातील 85% मुलांचा पहिला डोस तर 65% मुलांचा दुसरा डोस पूर्ण झाला आहे.