सासष्टी: कोकणी भाषेच्या उत्कर्षासाठी संघटितपणे काम करण्याचा निर्धार मंडळाच्या अध्यक्ष अन्वेषा सिंगबाळ यांच्यासह उपस्थित वक्त्यांनी केला. मडगावच्या रवींद्र भवनात आयोजित कोकणी भाषा मंडळातर्फे 2021 सालच्या विविध पुरस्कारांचे वितरण सोहळ्यात सैल बोलत होते.

यावेळी अखिल भारतीय कोकणी परिषदेच्या अध्यक्ष उषा राणे, ज्येष्ठ साहित्यिक महाबळेश्‍वर सैल,कोकणी कार्यकर्ते सदानंद काणेकर, वेर्णा औद्योगिक संघटनेचे अध्यक्ष प्रदीप दा कॉस्ता, उद्योजक प्रकाश कापाडिया, दक्षिण गोवा अतिरिक्त जिल्हाधिकारी सुरेंद्र नायक आदी मान्यवर उपस्थित होते.

मंडळाच्या अध्यक्ष अन्वेषा सिंगबाळ म्हणाल्या की, कोकणीबद्दल जो जाहीरनामा राजकीय पक्ष, राज्यपाल, मंत्री, आमदार यांना सादर केला आहे. त्याची अंमलबजावणी करून घेण्यासाठी एक दबाव गट स्थापन केला जाईल.

मंडळाचे उपाध्यक्ष पोब्र फर्नांडीस यांनी स्वागत केले. वार्षिक पुरस्कार वितरणासह शालान्त व उच्च माध्यमिक स्तरावर कोकणीत सर्वाधिक गुण मिळवलेल्या विद्यार्थ्यांचा गौरव, स्व. पद्मजा माणिकराव गावणेकर शिष्यवृत्ती प्रदान करण्यात आला. विद्याभुवन कोकणी प्राथमिक शाळा तसेच रवींद्र केळेकर ज्ञानमंदिरच्या विद्यार्थी व शिक्षकांनी बहारदार संगीत तसेच नृत्य सादर केले. उषा राणे म्हणाल्या की, कोकणी भाषा मंडळाचे शैक्षणिक क्षेत्रातील काम उल्लेखनीय आहे.

शैक्षणिक पुरस्कार विजेते: दहावीत 100 टक्के गुण - पुरुषोत्तम उर्फ दीपतम राजेंद्र पै वैद्य (सर्वोदय एज्युकेशन सोसायटी हायस्कूल, कुडचडे), बारावीत 98 टक्के गुण - निशा रामनाथ पै ( मुष्टिफंड, कुजिरा), ब्लुमेना अमेलिया कुलासो (डॉन बॉस्को, पणजी), यशस्वी आनंद तुळसकर (सेंट झेवियर्स, म्हापसा), प्राजक्ता पांडुरंग घाडी (धेंपे उच्चमाध्यमिक, मिरामार), दीपाक्षा दयानंद गावकर (श्रीमती चंद्रभागा तुकोबा नाईक).