Goa Drug Case: हणजूण येथील एव्हरग्रीन बार अँड रेस्टॉरंटजवळ असलेल्या टेंबी मैदान येथे ड्रग्जप्रकरणी अटक केलेल्या हेन्रिक रुदॉल्फ रिबियस या विदेशी नागरिकांविरुद्ध आरोप निश्‍चितीचा आदेश म्हापसा येथील विशेष न्यायालयाने देत ज्योये व्हिक्टर वॅन इलेन सेथ कास्टेलीज्न याला आरोपमुक्त केले आहे.

आरोपपत्रात संशयित हेन्रिक याच्याविरुद्ध ड्रग्जप्रकरणी पुरेसे पुरावे आहेत,असे निरीक्षण न्यायालयाने नोंदवले आहे. हणजूण पोलिसांनी गस्तीवर असताना टेंबी मैदानाजवळ नशेत असलेल्या दोघा विदेशींना ताब्यात घेतले होते. तेव्हा ८.२ ग्रॅम२१ एक्स्टसी गोळ्या तसेच रोकड सापडली होती.