फोंड्यातील वरचा बाजार भागात असलेल्या एका इमारतीच्या दुसऱ्या मजल्यावरून उडी घेण्याच्या बेतात असलेल्या एका मनोरुग्णाला फोंड्यातील पोलिसांनी जीवदान दिले. हा मनोरुग्ण या इमारतीच्या दुसऱ्या मजल्यावरील गॅलरीमध्ये कठड्याच्या बाहेर एक पाय टाकून उभा होता.

कोणत्याही क्षणी तो उडी घेण्याच्या तयारीत असतानाच फोंडा पोलिस स्थानकाशी संबंधित बिंदेश म्हार्दोळकर व अब्दुल सत्तार आगा या दोघांनीही त्याला बोलण्यात गुंतवून अखेर त्याच्यावर झडप घातली आणि त्याला कठड्यापासून दूर केले.

नंतर त्याची इस्पितळात रवानगी करण्यात आली. हा मनोरुग्ण बिगर गोमंतकीय असल्याची माहिती स्थानिकांनी दिली. ही घटना पाहण्यासाठी बघ्यांनी प्रचंड गर्दी केली होती. फोंडा पोलिसांच्या या कृतीचे अभिनंदन करण्यात येत आहे.