काणकोण: देळे, काणकोण येथील ज्ञान प्रबोधिनी मंडळाच्या श्री मल्लिकार्जुन आणि श्री. चेतन मंजु देसाई महाविद्यालयात शिवजयंतीनिमित्त दि.19 फेब्रुवारी रोजी विविध कार्यक्रमांचे आयोजन करण्यात आले आहे. या कार्यक्रमानिमित्त कै. मंजू देसाई व्याख्यानमालेचे आयोजन करण्यात आलेले असून ''समकालीन युगातील छत्रपती शिवाजी महाराज'' या विषयावर प्रभाकर ढगे व्याख्यानाचे पुष्प गुंफणार आहेत. सदर कार्यक्रमासाठी प्रमुख पाहुणे म्हणून पत्रकार पांडुरंग गावकर उपस्थित राहतील. ज्ञान प्रबोधिनी मंडळाचे अध्यक्ष चेतन मंजु देसाई, उपाध्यक्ष के. बी. गावकर, सचिव मंजुनाथ देसाई, राजेंद्र देसाई, ज्ञान प्रबोधिनी मंडळाचे अन्य विश्वस्त सदस्य, प्राचार्य प्रो. डॉ. मनोज कामत उपस्थित राहणार आहेत.

शनिवारी सकाळी 10 वाजता महाविद्यालयाच्या आवारातील छत्रपती शिवरायांच्या प्रतिमेला पुष्पहार अर्पण करून कार्यक्रम सुरू होईल. त्यानंतर महाविद्यालय सभागृहात व्याख्यान आणि सत्कारमूर्तींचा सत्कार होणार असल्याचे अध्यक्ष चेतन मंजु देसाईआणि सचिव मंजुनाथ देसाई यांनी कळविले आहे.

सदर समारंभात कै. डॉ. जिबलो नाईक गावकर स्मृतिप्रीत्यर्थ पुरस्कार आर. बी. एस. कोमरपंत यांना, सहकार महर्षी कै. जयसिंगराव राणे स्मृतिप्रीत्यर्थ पुरस्कार आनंदू उत्तम गणो देसाई यांना, कै. डॉ. पुंडलिक गायतोंडे स्मृतिप्रीत्यर्थ पुरस्कार डॉ. प्रमोद किन्नरकर यांना, कै. आशालता वाबगावकर स्मृतिप्रीत्यर्थ पुरस्कार निर्मलाताई मांद्रेकर यांना, तर कै. सीताराम टेंगसे स्मृतिप्रीत्यर्थ पुरस्कार रामानंद जोशी यांना प्रदान करण्यात येईल.