पणजी: कोविड-19 महामारीच्या तिसऱ्या लाटेत तपासण्यात आलेल्या एकूण 353 नमुन्यांपैकी जवळपास 60% नमुने ओमिक्रॉन व्हायरसचे असल्याची माहिती आरोग्य सेवा संचालनालयाने (DHS) दिली आहे. हे सर्व नमुने पुणेस्थित नॅशनल इन्स्टिट्यूट ऑफ व्हायरोलॉजीमध्ये (NIV) तपासण्यात आले होते.

एका वरिष्ठ आरोग्य अधिकाऱ्याने सांगितले की, NIV कडून प्राप्त झालेल्या अहवालांवरून हे स्पष्ट होते की ओमिक्रॉनमुळे राज्यात कोविड-19 ची तिसरी लाट आली.

गोव्यात (Goa) रविवारी दिवसभरात 1046 जणांची कोरोना चाचणी करण्यात आली होती. त्यापैकी 20 नव्या कोरोनाबाधितांची (Corona Patients) नोंद झाली आहे. त्याचबरोबर पॉझिटिव्हिटी दर (Positivity Rate) 1.91% इतका आहे. दिवसभरात एकाचा कोरोनामुळे मृत्यू झाला आहे. मागील काही दिवसांच्या तुलनेत रविवारच्या रुग्णसंख्येत कमालीची घट झाली आहे.