Mandovi Bridge: जुना मांडवी पूल देखभालीच्या कामासाठी शनिवार आणि रविवार (11 व 12 फेब्रुवारी) असे दोन दिवस बंद राहणार आहे. हे दोन दिवस संध्याकाळी दहा ते सकाळी सहा या वेळेत आठ तासांसाठी पूल बंद राहणार आहे.

या काळात अवजड वाहतुकीसाठी अटल सेतूमार्गाचा तर हलक्या वाहनांची वाहतूक नवीन मांडवी पुलावरून वळविण्यात आली आहे.

दोन महिन्यापूर्वी नवीन मांडवी पूल एक आठवड्यासाठी बंद होता

सार्वजनिक बांधकाम खात्याने नोव्हेंबर 2022 मध्ये नवीन मांडवी पूल दुरुस्तीच्या कारणास्तव एक आठवड्यासाठी बंद ठेवला होता. 23 ते 30 नोव्हेंबर दरम्यान बंद ठेवण्यात आला होता. रात्री 10 ते सकाळी 6 वाजेपर्यंत वाहतूकीसाठी बंद ठेवला होता.

दरम्यान, त्यानंतर आता जुना मांडवी पूल दोन दिवसांसाठी बंद ठेवला जाणार आहे. या मार्गावर प्रवास करणाऱ्या प्रवाशांनी याची दखल घ्यावी असे आवाहन बांधकाम खात्याने केले आहे.

पूल बंद काळात या मार्गाचा करा वापर

बांधकाम विभागाने दिलेल्या माहितीनुसार पूल बंद काळातील वाहतूकीचा पर्यायी मार्ग म्हणून अवजड वाहतूक अटल सेतू मार्गे आणि हलकी वाहने नवीन मांडवी पुलावरून वळवली जाणार आहे. वाहन चालकांनी याची दखल घ्यावी असे आवाहन विभागाने केले आहे.