Goa Cyber Crime: गोवा इन्क्विजिशनबाबत आक्षेपार्ह पोस्ट करुन धार्मिक भावना दुखावल्याप्रकरणी अज्ञाताविरोधात गुन्हा दाखल करण्यात आला आहे. सोशल मिडिया प्लॅटफॉर्म एक्स (ट्विटर) वर अज्ञाताने इन्क्विजिशनबाबत पोस्ट केली असून, सायबर पोलिसांनी गुन्हा दाखल केला आहे.

नाताळच्या पार्श्वभूमीवर सोशल मिडिया प्लॅटफॉर्म एक्सवर विविध आक्षेपार्ह पोस्ट करण्यात आल्या आहेत. याप्रकरणी सायबर पोलिसांत अज्ञाताविरोधात गुन्हा नोंद करण्यात आला आहे.

धार्मिकतेच्या मुद्यावरुन समाजात दुफळी निर्माण करणाऱ्यांना धारा देऊ नका - मुख्यमंत्री

धार्मिकतेच्या मुद्यावरुन समाजात दुफळी निर्माण करणाऱ्यांना धारा देऊ नका असे आवाहन मुख्यमंत्री प्रमोद सावंत यांनी केले आहे. समाजातील काही घटक धर्म आणि जातीच्या मुद्यावरुन समाजात फूट निर्माण करण्याचा प्रयत्न करत आहेत, त्यांचा सर्वांनी एकत्र येऊन विरोध करण्याची गरज असल्याचे मुख्यमंत्री म्हणाले. पणजीत आयोजित एका कार्यक्रमात ते बोलत होते.