Goa Crime News: केरी सत्तरी येथे एका मुस्लिम युवकाने सोशल मीडियावर श्रीरामाबद्दल आक्षेपार्ह पोस्ट केल्याप्रकरणी काल (30 जानेवारी) संध्याकाळी केरी येथील ग्रामस्थांनी चेक पोस्टवर जमून त्या युवकाला अटक करण्याची जोरदार मागणी केली.
यावेळी मोठमोठ्याने श्रीरामाच्या घोषणा देत त्या युवकाला अटक करण्याची जोरदार मागणी केली. सुमारे 300 पेक्षा अधिक नागरिकांचा जमाव चेकपोस्टवर हजर होता. जोपर्यंत त्या युवकाला अटक करत नाही तोपर्यंत आम्ही गप्प बसणार नाही, असे जमावातर्फे सांगण्यात आले.
'आमच्या श्रीरामाबद्दल आक्षेपार्ह बोलण्याचा कोणालाही अधिकार नाही. केरी गावात कोणत्याही धर्माचा भेदभाव केला जात नाही. मात्र या युवकाने सर्वांच्या भावना दुखावल्या आहेत. आणि त्याला माफी नाही,' असे मत नागरिकांनी व्यक्त केले. यावेळी त्या युवकाला पोलीस स्थानकात आणण्यात आल्यानंतर त्याने आपल्या गुन्ह्याची कबुली दिली.
मात्र संतप्त नागरिकांनी त्याच्यावर हल्ला चढवला. यावेळी वाळपई पोलीस निरीक्षक राहुल नाईक यांनी जमावाला शांत केले. संशयित अल्पवयीन आहे त्यामुळे कोणीही कायदा आपल्या हातात घेऊ नका, अशी मागणी करत त्यांनी सर्वांची समजुत काढली. संशयिताचे नाव अल्फाज खान असून तो 17 वर्षाचा आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.