Panaji News: भाटले-पणजी येथे विहिरीत पडून 09 वर्षीय बालकाचा मृत्यू झाला आहे. भाटले येथील दत्त मंदिराजवळ बुधवारी सायंकाळी ही घटना उघडकीस आली.

घटनेची माहिती मिळताच अग्निशमन दलाचे जवान घटनास्थळी दाखल झाले, पण मुलाला बाहेर काढेपर्यंत त्याचा मृत्यू झाला होता.

याप्रकरणी पणजी पोलिसांनी अनैसर्गिक मृत्यूची नोंद केली आहे.

फरहान शेख (वय 09, रा. भाटले - पणजी) असे मृत बालकाचे नाव आहे.

पणजी पोलिसांनी दिलेल्या माहितीनुसार, भाटले येथे राहणारा फरहान शेख बुधवारी बेपत्ता झाला. त्याच्या कुटुंबियांनी शोध घेतला. दरम्यान, फरहान सापडत नसल्याने त्यांनी फरहान बेपत्ता झाल्याची तक्रार पणजी पोलिस ठाण्यात दिली.

दरम्यान, भाटले - पणजी येथील दत्त मंदिराजवळ एक मृतदेह तरंगत असल्याची माहिती पोलिस व अग्निशमन दलाला देण्यात आली.

अग्निशमन दलाच्या जवानांनी मुलाला बाहेर काढण्यात आला मात्र, बाहेर बालकाचा मृत्यू झाला होता. पणजी पोलिसांनी मृतदेह ताब्यात घेऊन बांबोळी येथील गोवा वैद्यकीय महाविद्यालय रूग्णालयात ठेवण्यासाठी पाठवला. पोलिसांनी सोपस्कर पूर्ण करून मृतदेह नातेवाईकांच्या ताब्यात दिला.

पोलिसांनी याप्रकरणी अनैसर्गिक मृत्यूची नोंद केली आहे.