Goa News: गोवा-कर्नाटक सीमेवरील पारवाड गावाच्या हद्दीतील घनदाट जंगलातील जावनी धबधबा पाहण्यासाठी बेळगावमधील एका प्रतिष्ठित महाविद्यालयात बी.एस्सीचे शिक्षण घेणारे नऊ विद्यार्थी शुक्रवारी (ता. २९) दुपारी चारला दुचाकींवरून गेले होते.

पारवाड गावापासून तीन किमी अंतरावर त्यांनी दुचाकी झाडाखाली थांबवली आणि जंगलात गेले. पायवाटेने धबधब्यावर पार्टी करून विद्यार्थी सायंकाळी दुचाकी पार्क केलेल्या ठिकाणी परतत असताना त्यांचा रस्ता चुकला.

ट्रेकर्सनी शुक्रवारी रात्री कॉलेजच्या मित्रांना मॅसेज पाठवला. ट्रेकर्सच्या मित्रांनी वन अधिकाऱ्यांना माहिती दिल्यानंतर शोध सुरू केला. शनिवारी पहाटे हे विद्यार्थी गोव्याच्या जंगलात खडकांमध्ये दमून बसलेले आढळले. त्यांना कणकुंबी वन अधिकारी कार्यालयात आणण्यात आले.