मोरजी: मोरजी पंचायत क्षेत्रातील पंडीर या ठिकाणचा मिनी पूल गेल्या पावसाळ्यात खचला होता. त्यावेळी या पुलावरून सर्व प्रकारची वाहतूक बंद करण्यात आली होती. त्यामुळे तेथील नागरिकांची गैरसोय झाली. आता या ठिकाणी नवीन आधुनिक पद्धतीचा पूल उभारण्यात येत आहे.

तीन महिन्यांपूर्वी या ठिकाणी फाउंडेशन घालून कामाला सुरुवात केली गेली. सध्या या ओहोळात मोठ्या प्रमाणात पाणी असल्यामुळे या पुलाला काँक्रीट अजून घातलेले नाही.

चतुर्थीपूर्वी हा पूल सर्वांसाठी खुला करण्याचा संकल्प स्थानिक आमदार जीत आरोलकर यांनी केला आहे. या संदर्भात कंत्राटदारालाही आपण सूचना केलेल्या आहेत, असे आमदार जीत आरोलकर यांनी सांगितले.