म्हापसा: स्थानिक तरुणांमध्ये कौशल्य वाढवण्याच्या उद्देशाने, पेडे येथील म्हापसा आयटीआय येथे ‘सेंटर ऑफ एक्सलन्स’ शेड बांधण्यात येणार आहे. जे आधुनिक अभ्यासक्रमांसाठी नावनोंदणी करू शकणाऱ्या गोव्यातील तरुणांसाठी तीन दीर्घकालीन नवीन अभ्यासक्रम शिकवतील.नवीन सेंटर ऑफ एक्सलन्सचे काम ऑक्टोबर अखेरीस सुरू होईल आणि फेब्रुवारी २०२५पर्यंत काम पूर्ण होण्याची अपेक्षा आहे.
कौशल्य विकास आणि उद्योजकता संचालनालयाने टाटा टेक्नॉलॉजीज लिमिटेड सोबत आयटीआयला उत्कृष्टता केंद्रांमध्ये श्रेणीसुधारित करण्यासाठी मेमोरँडम ऑफ असोसिएशनवर स्वाक्षरी केली होती. या करारनुसार एकूण खर्च सुमारे २६०कोटी रुपये आहे, त्यापैकी टाटा तंत्रज्ञान सुमारे १६०कोटी गुंतवणूक करत आहे. तर उर्वरित रक्कम राज्य सरकार गुंतवणार आहे.
या उपक्रमाचा एक भाग म्हणून पेडे येथील म्हापसा आयटीआयला सेंटर ऑफ एक्सलन्स शेड मिळण्याची तयारी आहे. जी पेडे येथील विद्यमान म्हापसा आयटीआय इमारतीच्या शेजारी समारे १००० चौ.मी. जागेवर उभारली जाईल.
या शेडमध्ये विविध सुविधा असतील, ज्यामध्ये नवीन कौशल्ये शिकू शकणार्या विद्यार्थ्यांसाठी तीन नवीन अभ्यासक्रम सुरु केले जाऊ शकतात. आणि भविष्यातील चांगल्या संधींसाठी त्यांना अपग्रेड (अद्यतनित) करू शकतात.
आयटीआयचे प्राचार्य सुभाष रेडकर यांनी माहिती दिली की, सरकार टाटा टेक्नॉलॉजीज लिमिटेडच्या सहकार्याने दीर्घकालीन आणि अल्प मुदतीचे विविध अभ्यासक्रम सुरु करत आहे.
आम्ही मेकॅनिक इलेक्ट्रिक वाहन, अॅडव्हान्स सीएनसी मशीन आणि अॅडिटीव्ह मॅम्युफॅक्चरिंग प्रक्रिया यासारखे आधुनिक अभ्यासक्रम सुरु करण्याचा विचार करत आहोत. जे पुढील वर्षापासून सुरू केले जातील. या दीर्घकालीन अभ्यासक्रमांसोबतच, आम्ही इंटरनेट ऑफ थिंग्ज अॅप्लिकेशन (आयओटी) या विषयावर एक शॉर्ट टर्म कोर्स देखील सुरु केला आहे. जो ऑक्टोबर महिन्याच्या अखेरीस पर्वरी येथील आमच्या परिसरात सुरू होईल.सुभाष रेडकर, प्राचार्य आयटीआय
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.