NCB Raid on Drugs Smugglers

मुंबईतील नार्कोटिक्स कंट्रोल ब्युरो (NCB) ने गोवा, महाराष्ट्रातील विविध भाग आणि इतर महत्वाच्या शहरांमध्ये छापा टाकत अमली पदार्थांची तस्करी करण्यांवर कारवाई केली आहे.

एका महिन्यापेक्षा जास्त काळ चाललेल्या या ऑपरेशनमध्ये तीन परदेशी नागरिकांसह नऊ अमली पदार्थ तस्करांना अटक करण्यात आली. यामध्ये एकूण 135 कोटी रुपयांचे सुमारे 206 किलो कोकेन आणि अल्प्राझोलम जप्त करण्यात आले आहे.

पर्यटन हंगामात ड्रग्जची मोठ्या प्रमाणात तस्करी होते. याचीच माहिती मिळाल्यावर एनसीबीने सापळा रचत ही कारवाई केली. गोव्यात पर्यटकांची रेलचेल वाढली असून या कालावधीत गोव्याला मोठ्या प्रमाणात पर्यटक येतात हे लक्षात घेता, आरोपींनी राज्याला तस्करीच्या बाजारपेठांपैकी एक म्हणून लक्ष्य केले.

गुजरात ते महाराष्ट्र आणि गोव्यापर्यंत पसरलेल्या संपूर्ण ऑपरेशनचा मागोवा घेण्यासाठी NCB पथकाने गुप्तचर माहितीचा वापर केला.

एनसीबी टीमने दावा केला की त्यांना मुंबईतील परदेशी स्त्रोतांकडून अवैध कृत्यांमध्ये गुंतलेल्या आंतरराष्ट्रीय ड्रग्ज तस्करी सिंडिकेटबद्दल विश्वासार्ह माहिती मिळाली आहे.

या कारवाईत पथकाने एव्हलिना अल्वारेझ नावाच्या बोलिव्हियन महिलेसह उर्वरित 9 कथित ड्रग्ज तस्करांना अटक केली. या संपूर्ण ऑपरेशनमध्ये, राष्ट्रीय आणि आंतरराष्ट्रीय तस्करी लक्ष्य करून, NCB ने एकूण 6.959 किलो कोकेन आणि 199.25 किलो अल्प्राझोलम जप्त केले, ज्याची किंमत 135 कोटी रुपये आहे.