मडगाव, ता. १० (खास प्रतिनिधी) : नावेली येथील एका सराफी दुकानावर दरोडा घालण्याचा कट रचलेल्या दोघांना आज मडगाव पोलिसांनी अटक केली. २७ जुलै रोजी हा दरोड्याचा कट रचला होता; पण दुकानात ग्राहकांची गर्दी असल्यामुळे हा कट फसला होता.

मडगाव पोलिसांनी दिलेल्या माहितीनुसार, आज पोलिसांनी कर्नाटक पोलिसांच्या ताब्यात असलेल्या गोवर्धन सिंग आणि शामलाल मेघावल या दोन मूळ राजस्थानी संशयितांना आपल्या ताब्यात घेतले तर कुळे पोलिसांनी अटक केलेल्या लाडू सिंग यालाही ताब्यात घेतले आहे. या तिघांनाही आज न्यायालयासमोर उभे केले असता त्यांना सात दिवसc ठेवण्याचा रिमांड मंजूर केला.

ही टोळी दरोडा टाकण्यासाठी मडगाव येथे आली होती; पण प्रयत्न अयशस्वी ठरल्यावर ते परत कर्नाटकात जात असताना सीमेवरील पोलिसांनी त्यांची झडती घेतली असता त्यांच्याकडे पिस्तुले सापडल्याने त्यांना पोलिसांनी ताब्यात घेतले होते. एका राजस्थानी व्यक्तीच्या सांगण्यावरून मडगाव येथे दरोडा घालण्यासाठी आलो होतो, अशी कबुली त्यांनी दिली होती.