मडगाव: नावेली येथे एका बंगल्याच्या तळमजल्यावरील वाहन पार्किंगच्या जागेला आग लागून तीन वाहने आगीच्या भक्ष्यस्थानी पडली तर एका वाहनाला थोडीशी आगीची झळ बसली. आगीत जळालेल्या वाहनांमध्ये एक ‘बीएमडब्ल्यू’, एक कार व दुचाकीचा समावेश आहे.

तर एका जीपच्या पुढच्या भागाला आगीची झळ बसली, अशी माहिती मडगाव अग्निशामक दलाचे अधिकारी गील सोझा यांनी दिली. गुरुवारी (ता.२७) सायंकाळी ६ वा.च्या दरम्यान ही दुर्घटना घडली. सायमन रिबेलो यांच्या मालकीचा हा बंगला आहे.

नुकसानीचा नेमका आकडा अजूनही कळू शकला नसला तरी सुमारे एक कोटी रुपयांची हानी झाली असावी, अशी माहिती दलाच्या कार्यालयातून देण्यात आली. आगीचे नेमके कारणही स्पष्ट झाले नाही. आग विझविण्यासाठी एका बंबाचा वापर करण्यात आला. मडगाव पोलिसांनीही घटनास्थळी जाऊन पाहणीकेली.