Goa Water Sports Institute: मुख्यमंत्री डॉ. प्रमोद सावंत यांनी करंझाळे येथील नॅशनल इन्स्टिट्युट ऑफ वॉटर स्पोर्ट्सच्या इमारतीच्या बांधकामाची कामाची पाहणी केली. या इन्स्टिट्युटच्या बांधकामाला विलंब झाला आहे.

त्याची कारणेही मुख्यमंत्र्यांनी सांगितले तसेच कधीपर्यंत हे काम पूर्ण होणार आहे, याचीही माहिती त्यांनी दिली.

मुख्यमंत्री डॉ. सावंत म्हणाले की, कोरोना महारोगराईसह इतर कारणांमुळे हा प्रोजेक्ट सुरू होण्यास विलंब झाला. आता हे काम मे महिन्यापर्यंत पूर्ण करण्याचे नियोजन आहे. तसे आदेश जीएसआयडीसी दिले आहेत.

दरम्यान, नॅशनल इन्स्टिट्यूट ऑफ वॉटर स्पोर्ट्स येथे बीबीए, एमबीए आणि पीएच.डी. अभ्यासक्रमही लवकरच सुरू करण्यात येणार आहेत.