Chorla Ghat Car Accident: कर्नाटक-गोवा यांना जोडणाऱ्या चोर्ला घाटात रविवारी रात्री झालेल्या अपघातात बॅलेनो कार थेट दरीत कोसळली. या कारमध्ये तिघेजण अडकून पडले होते.
दरम्यान, या अपघाताची माहिती मिळताच वाळपई अग्निशमन केंद्रातील जवानांनी तत्काळ घटनास्थळी धाव घेतली. ऐन मध्यरात्री बचाव मोहिम राबवत अग्निशमन दलाने शर्थीचे प्रयत्न करून या तिघांचाही जीव वाचला आहे.
अंजुना धरण परिसरात ही घटना घडली. ड्रायव्हरचे गाडीवर नियंत्रण सुटल्याने कार थेट दरीत कोसळली. रात्री १२ वाजून २० मिनिटांनी अग्निशमन दलाला या अपघाताची माहिती मिळाली. त्यानंतर वाळपई अग्निशमन दलातील एस. के. गावकर यांच्या नेतृत्वाखालील पथकाने घटनास्थळी धाव घेतली.
बाबुराव गवस, सुधाकर गावकर, सोमनाथ गावकर, उमेश गावकर, फाती कलमिसकार यांचा या पथकात समावेश होता.
स्पॉटलाईट आणि दोरखंडाचा वापर करत अग्निशमन दलाच्या जवांनांनी कारमध्ये अडकलेल्या तिघांनाही वाचवले. त्यांना सुखरूप बाहेर काढले आणि वर आणले. कारमधील तिघेही प्रवासी जखमी झाले आहेत. उपचारासाठी त्यांना दवाखान्यात दाखल करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
