पणजी: गोवा विद्यापीठाची पाहणी करण्यासाठी पुढील महिन्याच्या ७, ८ जुलै रोजी किंवा ८, ९ जुलै रोजी नॅकची समिती येणार आहे. तसा पत्रव्यवहार गोवा विद्यापीठाशी नॅक समितीने करूनही याची माहिती सर्व घटकांपासून विद्यापीठाने दडवून ठेवली आहे, अशी समिती येणार याची माहिती शिक्षण वर्तुळातील अनेकांना नाही.

गोवा विद्यापीठात राष्ट्रीय मूल्यांकन व प्रत्यायन परिषद (नॅक) समितीचा ७ ते १० जुलै दरम्यान दौरा होणार असून त्याबाबत विद्यापीठ प्रशासन मौन बाळगून आहे. या दौऱ्याबाबत कोणतीही अधिकृत माहिती न सरकारला, ना लोकप्रतिनिधींना, ना प्रसारमाध्यमांना, ना नागरिक समाजाला देण्यात आलेली आहे. या संपूर्ण मौनाच्या मागे भीती, असुरक्षितता वा दोष झाकण्याची शक्यता असल्याचे जाणकारांचे मत आहे.

नॅक समितीच्या दौऱ्यात संस्थेच्या कार्यपद्धती, गुणवत्ता, शैक्षणिक व प्रशासकीय व्यवस्थापन, भौतिक सुविधा, संशोधन, विद्यार्थी सहभाग आदी पैलूंचे मूल्यांकन होणार आहे. समिती दोन दिवसांत सखोल आढावा घेणार आहे.

संस्थेचे प्रमुख, वित्त व नोंदणी अधिकारी, विभाग प्रमुख यांची सादरीकरणे, गुणवत्ता आश्वासन कक्ष आणि विविध शैक्षणिक विभागांशी संवाद, ५० टक्के विभागांच्या व्हर्च्युअल भेटी, प्रयोगशाळा, संशोधन केंद्रे, कक्षांची पाहणी, राष्ट्रीय सेवा योजना, राष्ट्रीय छात्रसेना इतर सामाजिक उपक्रम व शारीरिक-सांस्कृतिक सुविधा, ग्रंथालय, पायाभूत सुविधा परीक्षण, विद्यार्थी व माजी विद्यार्थी संवाद.

दौऱ्याचे स्वरूप

व्यवस्थापन समितीशी संवाद व शासन पद्धती, राष्ट्रीय शैक्षणिक धोरण अंमलबजावणीचा आढावा, विद्यापीठाची दोन उत्कृष्ट

उपक्रम सादरीकरण, शिक्षक व शिक्षकेतर कर्मचाऱ्यांशी

संवाद, अंतिम अहवाल लेखन व गुण निश्चिती असे दौऱ्याचे स्वरूप असेल.