Smart City Panaji

पणजीत सुरु असलेल्या स्मार्ट सिटीच्या खोदकामात रहस्यमय मूर्ती आढळली आहे. हिंदू फार्मसी परिसरात सुरु असलेल्या कामावेळी ही मूर्ती आढळून आलीय.

फार्मसीतील कर्मचारी तसेच स्थानिकांनी ही मूर्ती म्हणजे एकादा प्राचीन पुतळा असल्याची शक्यता वर्तवली आहे. दरम्यान, सध्या या मूर्तीबाबत अधिक माहिती समोर आलेली नाही.

पणजी शहर परिसरात सध्या स्मार्ट सिटीची कामे प्रगतीपथावर आहेत. भूमीगत कामासांठी विविध भागात खोदकाम केले जात आहे. या खोदकामावेळी ही मूर्ती आढळून आलीय.

दरम्यान, ज्या इमारतीजवळ ही मूर्ती आढळली ती इमारत १९०२ च्या सुमारास उभारण्यात आल्याची माहिती स्थानिकांनी दिली. त्यावेळेस कदाचित ही मूर्ती जमिनीत गाडली गेली असवा, असा अंदाज व्यक्त केला जात आहे.

काही लोकांनी ही मूर्ती कदंब काळातील किंवा पोर्तुदगीज काळातील देखील असण्याची शक्यता व्यक्त केलीय.