Fatorda News: फातोर्ड्यातील एका नगरसेविकेच्या पतीने एका सामान्य नागरीकाला बेदम मारहाण केल्याचा प्रकार समोर आला आहे. या मारहाणीचा व्हिडिओदेखील समाजमाध्यमांवर व्हायरल झाला आहे.

फातोर्ड्यातील नगरसेविका श्वेता लोटलीकर यांचे पती सुजय लोटलीकर यांना या प्रकरणी पोलिसांनी ताब्यात घेतले आहे.

या व्हिडिओमध्ये सुजय लोटलीकर एका नागरीकाला भर रस्त्यात बेदम मारहाण करताना दिसतात. त्यांच्यासोबत आणखी एक इसमदेखील संबंधित व्यक्तीला मारहाण करताना दिसतो.

ज्या नागरीकाला मारहाण झाली होती त्याने लोटलीकर यांना नगरपालिकेचे कर्मचारी खासगी जागेतील कामासाठी कशासाठी वापरता, असा सवाल केला होता. त्यावरून ही मारहाण झाल्याचे समजते.

या प्रकरणी पोलिसांनी सुजय लोटलीकर याला अटक केली आहे. या संपूर्ण प्रकाराबाबत नाराजी व्यक्त होत आहे.