पणजी: उत्तरप्रदेश, गुजरात, राजस्थान या राज्यांप्रमाणे गोव्यात कठोर ‘लव्ह जिहाद विरोधी कायदा’ तत्काळ लागू करावा, अशी मागणी करणारी स्वाक्षरी मोहीम हिंदू राष्ट्र समन्वय समितीकडून नवरात्रोत्सवाच्या पार्श्वभूमीवर राबवली जात आहे.

हिंदू राष्ट्र समन्वय समितीने दिलेल्या माहितीनुसार, नवरात्रीच्या निमित्ताने डिचोली, फोंडा, मडगाव, कुंकळ्ळे, पेडणे, बार्देश, फोंडा, तिसवाडी, वास्को, काणकोण आदी ठिकाणची विविध मंदिरे, नवरात्रोत्सव मंडळांची गर्भा खेळण्याची ठिकाणी आदी ठिकाणे व्याख्यानाचे आयोजन करून याविषयी प्रबोधन केले जात आहे.

नवरात्रीच्या काळात काही युवक आपली खरी ओळख लपवून, खोटी हिंदु नावे सांगून गरब्याच्या कार्यक्रमांमध्ये प्रवेश करतात आणि भोळ्या-भाबड्या हिंदू युवतींना आपल्या प्रेमजालात अडकवतात, असे हिंदू राष्ट्र समन्वय समितीने प्रसिद्ध केलेल्या निवेदनात म्हटले आहे.

नवरात्रोत्सवाच्या निमित्ताने समितीकडून विविध मंदिरांच्या ठिकाणी दुर्गा देवीचा सामुहिक नामजप केला जात आहे.