मांडवीवरील अटल सेतूवर (Atal Setu On Mandovi River) दुरूस्तीचे काम सध्या सुरू आहे. त्यामुळे 17 ते 27 या काळात रात्री आणि दिवसा अटल सेतू वाहतुकीसाठी बंद ठेवण्यात आला आहे. पण, यामुळे पर्वरी मार्गावर मोठ्या प्रमाणावर वाहतूक कोंडी होत आहे. दुरूस्तीसाठी वापरण्यात येणाऱ्या अवजड वाहनांमुळे वाहतूक बंद केली आहे.

पण, यामुळे पणजी आणि पर्वरीत (Panaji And Porvorim) मोठ्या प्रमाणावर वाहतूक कोंडी होत असल्याची माहिती पोलिसांनी उत्तर गोवा जिल्हाधिकाऱ्यांनी दिली आहे.

अटल सेतू बंद असल्यामुळे अवजड वाहने देखील नवीन मांडवी पुलावरून (New Mandovi Bridge) जात आहेत. यामुळे वाहतूक कोंडीत भर पडत आहे. यामुळे अग्निशमन दल आणि रूग्णवाहिका देखील वाहतूक कोंडीत अडकून पडत आहेत. त्यामुळे अटस सेतूचे काम सुरू असेपर्यंत उत्तर गोवा जिल्हाधिकाऱ्यांनी सावंतवाडी आणि बाणास्तरी (Sawantwadi And Banastarim) वरून पणजीत येणाऱ्या अवजड वाहनांना बंदी घातली आहे.

सकाळी सात ते रात्री आठ वाजेपर्यंत अवजड वाहने आणि मल्टी एक्सेल वाहनांना (Heavy And Multi Axel Vehicles) राष्ट्रीय महामार्ग 66 वर (National Highway 66) बंदी घातली आहे. 27 मार्चपर्यंत हा आदेश लागू राहणार आहे. अवजड वाहनांना बांदा येथे थांबा असेल तर, बाणास्तरी येथून येणारी वाहने बाणास्तरी पुलावरून वळवली जातात.