डिचोली: शुल्लक काराणावरुन वडिलांनी सहा वर्षीय मुलीचा खून केल्याची घटना मंगळवारी उघडकीस आल्यानंतर आता आईने १० वर्षीय मुलाला मारहाण केल्याचा प्रकार समोर आला आहे. घरगुती वादातून डिचोलीत हा प्रकार घडल्याची प्राथमिक माहिती समोर येतेय. मुलाने याप्रकरणी पोलिसांत तक्रार दाखल केली आहे.

मिळालेल्या माहितीनुसार, डिचोलीत दहा वर्षीय मुलाला आईने स्टीलच्या रॉडने मारहाण केल्याची धक्कादायक घटना घडली आहे. यात मुलाला किरकोळ जखम झाली आहे. घरगुती वादातून ही घटना घडल्याचे प्रथमदर्शनी समोर आले आहे. मुलाची बांबोळी येथील आरोग्य केंद्रात वैद्यकीय तपासणी करण्यात आली. दरम्यान, मुलाने पोलिसांत धाव घेत याप्रकरणी पोलिस तक्रार दाखल केली आहे. पोलिस अधिक तपास करतायेत.

वडिलांनी सहा वर्षीय मुलीचा केला खून

किरकोळ कारणावरुन वडिलांनी सहा वर्षीय मुलीचा खून केल्याची घटना मंगळवारी (२९ एप्रिल) उघडकीस आली. मुलीने आईकडे कोणत्यातरी गोष्टीसाठी हट्ट धरला होता. दरम्यान, यावरुन संतापलेल्या वडिलांनी दारुच्या नशेत मुलीला दांडकाने मारहाण केली. यातच मुलीचा मृत्यू झाला. संशयित सध्या फरार असून, पोलिस तपास करतायेत.