मडगाव: गोव्यातून एक धक्कादायक घटना समोर आली आहे. बापानेच पोटच्या सहा वर्षीय मुलीचा जीव घेतल्याचा खळबळजनक प्रकार उघडकीस आला आहे. गोव्यात वास्तव्यास असलेला हा व्यक्ती मूळचा कर्नाटकचा रहिवासी असून सध्या फरार आहे.
सलीम दंभाळ (वय २८, रा. माकाझन, मूळ गडाक, कर्नाटक) असे या संशयित आरोपीचे नाव असून, तो सध्या फरार आहे. मिळालेल्या प्राथमिक माहितीनुसार, सलीमने दांडकाने बडवून आपल्याच सहा वर्षीय मुलीचा जीव घेतला आहे. सानिका दंभाळ असे या सहा वर्षीय मृत मुलीचे नाव आहे.
मिळालेल्या अधिकच्या माहितीनुसार, संशयित सलीमची सहा वर्षीय मुलीने कोणत्यातरी वस्तूसाठी आईकडे हट्ट धरला होता. याचवेळी मद्यपान करुन आलेल्या सलीमने दांडक्याने मुलगी सानिकाला मारहाण करण्यास सुरुवात केली. यात सानिकाच्या डोक्याला मार लागून तिचा मृत्यू झाला.
यानंतर संशयित सलीमने घटनास्थळावरुन पळ काढला. मायना कुडतरी पोलिसांनी घटनास्थळी दाखल होत पंचनामा केला. पोलिस फरार सलीमचा शोध घेतायेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.