वास्को: मुरगाव तालुका ग्रामपंचायत निवडणूकीसाठी सातही पंचायतीतून आलेल्या 282 अर्जा पैकी 248 अर्ज ग्राह्य तर 34 उमेदवारी अर्ज अवैध ठरविण्यात आले. त्यामूळे उमेदवारांसाठी तयारी करण्यासाठी आवश्यक असलेले चित्र आता अधिक - अधिक स्पष्ट होत जाणार आहे. (mormugao taluka village panchayat election: 248 applications accepted and 34 invalid)

राज्यात 1० ऑगष्ट रोजी होणान्या ग्रामपंचायत निवडणुकीसाठी मुरगाव तालुक्यातील कासावली, वेळसाव, केळशी, चिखली, चिकोळणा, कुठ्ठाळी व सांकवाळ या सातही पंचायतीसाठी एकूण 282 उमेदवारी अर्ज दाखल करण्यात आले होते. यात सर्वाधिक उमदेवाही अर्ज सांकवाळ पंचायतीत, त्यापाठोपाठ चिखली पंचायतीत दाखल झाले होते.

दरम्यान आज झालेल्या अर्ज छाननीतून मुरगाव तालुक्यातील सातही पंचायतीतील 282 उमेदवारी अर्जांपैकी ज्यांनी दोनवेळा अर्ज सादर केले होते असे 34 अर्ज अवैध ठरविण्यात आले, तर आता एकूण अर्ज संख्या 248 ग्राह्य धरण्यात आले आहे.

दरम्यान मुरगाव तालूक्यातून सर्वाधिक उमेदवारी अर्ज सांकवाळ पंचायतीत ७1 अर्ज दाखल झाले आहेत. त्यापाठोपाठ चिखली पंचायत (48 अर्ज), कुठ्ठाळी (32 अर्ज), वेलसांव (21 अर्ज), केळशी (2० अर्ज), कासावली (3७ अर्ज) व चिकोळणा (1९ अर्ज) दाखल करण्यात आले जे ग्राहय धरण्यात आले आहे. उद्या अर्ज मागे घेण्याच्या दिवशी किती जण माघार घेणार आहेत यावर आता किती उमेदवार एकमेकांसमोर भिडणार आहे ते कळणार आहे.