Mormugao Port Authority: मुरगाव बंदर प्राधिकरणाने (Mormugao Port Authority - एमपीए) एका दिवसात सर्वाधिक माल हाताळणीचा नवा आशियाई विक्रम नोंदवला आहे. बुधवारी या बंदरावर 24 तासांत 29150 मेट्रिक टन लोह खनिज पेलेट्स हाताळले गेले.
'एमव्ही एक्सप्लोरर आफ्रिका' या जहाजात हा माल भरला गेला. मुरगाव बंदरातील बर्थ क्रमांक 10 वरून हा माल लोड केला गेला. त्यामुळे बुधवारी प्रतिदिन सर्वाधिक माल हाताळण्याचा नवा आशियाई विक्रम एमपीएने प्रस्थापित केला आणि मागील विक्रमाला मागे टाकले. MPA चे Dy चेअरमन GP राय यांनी पत्रकारांना ही माहिती दिली आहे.
Stevedores Delta Infralogistics Worldwide Group (DIWGL) Ltd ने सुप्रा मॅक्स जहाज 'MV Explorer Africa' या जहाजात हा माल भरला.
ते म्हणाले की, "बर्थ 10 येथे 24 तासांत जहाजावर 29,150 मेट्रिक टन लोह खनिज पेलेट्स कार्गो लोड करण्यात आले होते. हा कोणत्याही स्टीव्हडोरने मिळवलेले सर्वोच्च लोडिंग परफॉर्मन्स आहे.
डेल्टा इन्फ्रालोजिस्टिक वर्ल्डवाइड ग्रुप लिमिटेड (DIWGL) ने एका दिवसात जहाजावर 28,008 टन लोडिंगच्या स्वतःच्याच मागील सर्वोत्तम लोडिंगला मागे टाकले आहे. ही आमच्यासाठी एक चांगली बातमी आहे कारण आम्ही रेकॉर्ड तोडले आहे आणि ते आमच्या कामगिरीवरही प्रतिबिंबित होते.
“या जहाजावर लोह धातूचे गोळे भरले जात होते जे प्रदूषण न करणारा माल आहे. हा माल मांडवी रिव्हर पेलेट्स प्रायव्हेट लिमिटेड (एमआरपीपीएल) द्वारे पाठवला जात होता. जे कर्नाटकातून लोहखनिज आणून गोव्यात पेलेटमध्ये रूपांतरित करून आणि येथून निर्यात करतात. बंदरासाठी हा स्वच्छ माल आहे.
एमपीए ट्रॅफिक मॅनेजर कॅप्टन हिमांशू शेखर म्हणाले की, एमपीए हे भारतातील सर्वात कमी क्षेत्रफळ असलेले सर्वात गजबजलेले बंदर आहे. परंतु ते प्रति एकर सर्वाधिक टनेज हाताळते. मालवाहू संथ गतीचे कारण म्हणजे जमिनीची कमतरता आणि आम्ही यावेळी प्री-स्टॅकिंग तंत्रज्ञानाचा निर्णय घेतला.
आम्ही 4 ते 5 दिवसात जहाजाज पूर्ण माल लोड करण्याचे नियोजन केले होते. परंतु 3.5 दिवसातच हे काम पूर्ण केले. हा एक नवीन विक्रम आहे आणि हा एक कार्यक्षम विक्रम देखील आहे ज्याचा सर्वांना फायदा झाला आहे. पोर्ट, स्टीव्हडोर आणि निर्यातदारांसाठी देखील हा विजय आहे.
डीआयडब्ल्यूजीएलचे उपाध्यक्ष राघोबा कोतकर यांनी सांगितले की, एमव्ही एक्सप्लोरर आफ्रिका हे ओल्डेन्डॉर्फ कंपनीचे सुप्रा मॅक्स जहाज आहे आणि ते एमआरपीपीएलसाठी पेलेट्सच्या निर्यात मालवाहू जहाजासाठी बंदरात होते.
जहाजाने 25 डिसेंबर रोजी पहाटे 4.35 वाजता लोडिंग सुरू केले आणि 27 डिसेंबर रोजी सकाळी 1.35 वाजता तिचे लोडिंग पूर्ण केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.